啤酒點止飲得?五個你估唔到的用法

Esquire HK - Park Chan
  • 1 Aug 2017

男人屋企點少得啤酒?如果老婆女友唔俾你買,你可能要俾佢睇睇,原來啤酒唔止飲得,仲有好多用法,同曾sir用哥士的差唔多!

隨身滅火器!

唔講唔知,原來啤酒可以滅火,重點在於你要識得點用!例如BBQ完,不想去遠處拿水,你可以試試將啤酒罐快速搖勻,那你知道後果的,只要對準火頭打開罐匙,啤酒就會噴射而出,可以快速滅火!當然,你不能用來滅電火啦!否則有可能觸電!

清除污漬!

有沒有試過倒瀉咖啡、茶之類到地毯之上?我經常都會,因此也不敢買太貴的地毯!而其實地毯弄污了,也不一定要用化學品去清潔,只要你將啤酒倒在污漬之上,讓地毯好好吸收,然後再用濕毛巾沾梘水去擦,污漬自然消失!

醃肉一流!

啤酒入饌不是新鮮事,但為甚麼要用啤酒你又知道嗎?其實啤酒可以令肉質變得鬆軟,用來醃肉絕佳,既不會有梳打粉的味道,又可以帶有一種啤酒花的香氣,想清淡一點可以用Lager,我就會選用黑啤來醃豬扒,然後直接用來煎,效果一流!如果用來醃豬手,也是不錯的選擇!

啤酒浴

女人可能會玩牛奶浴,但你一樣可以玩啤酒浴,原來啤酒可以軟化皮膚角質,沖完涼,你的皮膚可以更滑,下去浸浴,不妨試試加幾罐進去,邊飲啤酒邊浸,其實都幾嘆!

令金屬變得閃亮

想將金屬製的器皿、餐具等等變得更閃亮,原來用啤酒一樣得!啤酒中的酸性可以令金屬變得閃亮,不妨試試加點啤在濕布上,然後輕輕擦亮!

Loading...
YOU MAY LIKE
訂閱Esquire接收最新男士生活資訊
Sign up FOR ESQUIRE_PAPER NOW!!
下篇文章