95歲嘅英女皇，唔再由早飲到晚，唔飲Dry Martini只飲葡萄酒

第一杯：午餐前

講第一杯飲甚麼之前，先看看英女皇早餐食甚麼呢。據前御廚Darren McGrady所講，她並不如菲獵親王那樣是個foodie，所以她的早餐很簡單，一些小餅乾、一杯earl grey茶、家樂氏Special K栗米片及桂格燕麥片配水果。

有時又會吃果占多士或是煙三文魚炒蛋。

好喇，入正題喇，以前在午飯前，她會飲一杯以Dubonnet甜酒及Gin混合而成的雞尾酒，不過別忘記需要加入一片檸檬及大量的冰塊。Gin酒，就通常用上Gordon's Gin。

但依家唔飲啦！

第二杯：午餐

早幾年前御廚Darren McGrady又說，英女皇盡量避免澱粉質的，所以午餐非常簡單，不是烤魚配菜，就是烤雞配沙律；甜品就吃一塊朱古力。此外，她會在午餐配上一杯葡萄酒。

依家呢，午餐唔飲葡萄酒啦。

第三杯：晚間

講飲第三杯前，又要講講下午茶先，青瓜、三文魚、沙律蛋等finger sandwich或是果占三文治等，再加茶餅、忌簾海綿蛋糕、scone、朱古力餅等。

以前呢，在晚飯前她會喝一杯Dry Martini。占士邦就要「dry martini shaken not stirred」，那英女皇又點呢？答案是，一個謎，因為沒有沒有相關人士透露。晚餐，牛肉或三文魚的主菜，一些水果及一片朱古力作甜點。

今次品酒師Demetri Walters就話，英女皇已經無再飲Dry Martini啦；但就會晚餐時飲杯葡萄酒。因為只能飲很少嘅酒，所以英女皇係選酒同選擇酒嘅年份上就好有自己睇法咁話。

第四杯：睡前

以前呢，為一天來個完美的作結，她會飲杯香檳。香檳的品牌包括Bollinger、Lanson、Krug等八個皇室御用的香檳品牌。講到最後，好高興以前英女皇同我一樣，都係bubble lover。

依家，呢杯無啦。

不過無論以前同依家嘅飲酒習慣係點，有一個消息係無變嘅，就係說英女皇不喜歡喝啤酒，所以她在愛爾蘭Dublin參觀 Guinness廠時就推卻了當場試試啤酒。好啦，咁以後我地飲少點啤酒多點香檳吧！下次再有人笑我地或質疑我地，我唯有舉杯說句「cheers」，祝願愛酒的人都身體健康！

（資料來源：The Times、The Daily Mail、美國版《Esquire》、The Telegraphy、The Independent、Business Insider、The Guardian及The Daily Mail）