傳統扒房教埋牛扒迷煮！Morton’s推出自取牛扒套餐仲附上煮法
因為疫情和香港政府頒布「限聚令」下，其實很多餐廳堂食情況都很慘淡，而很多餐廳都開始增加外賣服務，不少男人不只是牛扒迷，心底裡還是一個出色廚師，所以這次Morton’s推出牛扒自取套餐，而且仲要教埋你煮！
Morton’s The Steakhouse作為一個傳統扒房，當然他們的牛扒有保證，他們推出兩個套餐，分別是Table for Two二人套餐和四人至八人的Ultimate Grill套餐，二人套餐包括兩份6安士免翁牛柳及兩份5安士深海龍蝦尾，而且還可以他們最出名的焗芝士煙肉通粉作為配菜，最後再以甜品為結尾。
而四至八人的Ultimate Grill套餐當然份量大很多，四人餐包括兩份6安士免翁牛柳、一份16安士肉眼牛扒、一份10安士紐約西冷牛扒及兩份5安士深海龍蝦尾，同樣配備精選配菜和甜品。，而七至八人餐則會將這個份量雙倍，一晚都未必食得完！
如果比較少下廚的話，其實買扒之餘，還要買其他調味料、香草、還要較個汁都比較麻煩，但Morton’s這次的自取套餐，都附上餐廳招牌調味、自家製濃汁、新鮮大廚沙律，將所有秘密都揭露給大家看。
當然買一塊優質的牛扒，都要有優質煮法才可以成功。Morton’s亦將大廚的烹調方式附上給大家。首先是解凍部份，個人覺得其實解凍才是最困難，但亦是最重要。如果你將牛扒拿回家放在雪櫃，就需要當晚吃，而煎之前要將牛扒從雪櫃拿出來，在室溫靜置30分鐘。
如果不是當晚食的話，牛扒就要放在冰格急凍，在食之前24小時就要放雪櫃，然後煎之前就要在室溫靜置30分鐘，千祈不要貪快，用溫水或者沖水解凍，這樣牛扒所有水分都會流失，煎出來只會又乾又柴。
然後就將牛扒表面的水分吸乾，然後就在兩邊加上鹽和黑胡椒作簡單調味，然後就可以熱易潔鑊了。之後就落油，用大火將牛扒兩邊各煎2-3分鐘，這樣可以將牛扒封邊鎖緊肉汁，但千祈不可以胡亂翻面，否則都會好乾！
然後如果想令牛扒更加有風味，差不多煎好時就可以放一大片牛油和整條迷迭香放到煎鑊上，將煮溶的牛油淋在牛扒上。
如果嫌套餐不夠，Morton都化身「Butcher Block」，大家可單買肉眼、西冷和牛柳等不同部位的牛扒！
以優惠價訂閱一年雜誌，可獲贈精選訂閱禮品。
Subscribe
