【米芝蓮中菜推介】連續7年一星中菜逸東軒 必食點心香滑流沙酥、招牌菜二弄玻璃蝦球
- 12 Jun 2023
連續7年榮獲米芝蓮一星、位於佐敦逸東酒店的中菜廳「逸東軒」，一直都有不少熟客支持！聽他們的行政總廚譚棟師傅說，平日閒閒地生意都有10-20萬一日，就算是疫情最嚴重的日子，全面禁堂食，他們年初一、二都做到30萬/日的生意額，憑着逸東軒師傅用心的出品：「好似我哋點心蜂巢海鮮芋角，都好受歡迎，坊間師傅都怕麻煩唔再做，但我哋唔怕，幾粒幾粒咁做，入單就炸！」
入廚38年，面對米芝蓮壓力，譚棟師傅說自己早已用平常心面對，更加歡迎未食過的朋友一嚐他的手勢：「我會推薦佢哋第一，食啲季節性嘅餸菜；第二食我哋嘅招牌菜鮮，如沙姜陳皮生煎雞、二弄玻璃蝦球；第三可以試吓我哋米芝蓮菜單，性價比都好高，平日我哋都好多人訂，每日都賣到10至20份。」
筆者最欣賞頭盤話梅車厘茄（HK$118），採用最優質的話梅醃漬的新鮮車厘茄，將粒粒飽滿的車厘茄去皮後一同浸泡，酸甜開胃，入口陣陣話梅香，是前菜最佳選擇！問到譚棟師傅這菜有甚麼巧妙之處：「我哋前後都嚐試過好多次，先有𠵱家嘅味道，好多客都話出面食唔到，最緊要係用啱Size嘅車厘茄！」
逸東軒的點心每個月都會轉新，但經典的鮑魚雞粒酥（HK$80/個）就一定會有！以原隻鮮鮑魚製成，牛油酥皮批經烘焙後金黃酥脆，鮑魚鮮甜美味，口感煙韌，與雞粒的鹹香融合在一起，啖啖滋味。
香滑流沙酥（HK$48），入單即炸，外層香脆，入口滲出滑嫩的奶黃流沙，惹味可口； 蘿蔔絲酥餅（HK$48），採用新鮮蘿蔔刨成細絲油炸而成，就像新鮮蘿蔔絲般爽口，入口酥脆不油膩，外焦內軟，酥脆鮮香。
譚棟師傅多次提及的熱二弄玻璃蝦球（HK$480），絕對是逸東軒的必食招牌菜！用上新鮮大隻的虎蝦以兩種方式炮製，一邊是油泡蝦球，口感彈牙鮮味；另一邊是咕嚕蝦球，香脆酸甜，各有特色。
另外必食的有招牌名菜馳名燒味雙輝（HK$380） ，有蜜汁叉燒及脆皮燒腩仔，叉燒選用上等半肥瘦脢頭肉，帶蜂蜜甜香，肉汁豐膄帶點焦香；燒腩仔皮脆肉香，肉質肥瘦剛好！譚棟師傅說：「叉燒我唔用外國黑毛豬，反而會用本地梅頭，因為要揀有肥有瘦嘅部份，每次訂嘅貨都係得一半先可以用嚟做叉燒。」
另一款鮮沙薑陳皮生煎雞（HK$298/半隻）是逸東軒的招牌菜之一，採用惹味的粗粒鮮沙薑醃製香嫩去骨的走地雞；雞肉與陳皮煎起來香口軟滑而不油膩，盛載在優雅的熱鍋上，滋味暖胃！
為慶祝再次榮獲一星殊榮，逸東軒特別推出嶄新的米芝蓮星級盛宴（每位港幣$880*/兩位起），帶來八道招牌名菜，讓饕客品嚐星級正宗粵菜滋味。
十頭鮑魚伴百花菇，選用鮑滿的十頭鮑魚，伴以釀入蝦膠的北菇，與軟滑彈牙的鮑魚相得益彰，帶來多重口感。
譚棟師傅更用上燕窩、鮑魚等多款矜貴食材入饌，焦點推介金湯生拆蟹肉燕窩，以清新的南瓜湯、鮮甜蟹肉，配上矜貴燕窩炮製，滋補養生！另外紅梅蝦球翠玉元貝也相當出色，蝦球大大粒又爽口，這兩道都是譚棟師傅的創新小菜，絕對值得一試！
逸東軒
地址 : 香港九龍彌敦道380號Eaton HK B2樓層
電話 : 2710 1093
