【葉浩文專欄】用銀行或保險公司投資基金到底有咩分別?你係咪真係咁了解?

Esquire HK - Kirk Yip
  • 26 Nov 2020

熟我嘅朋友都知道,我特別鍾意同喺的士或者Uber同司機傾吓計,人海茫茫有緣喺同一個車上空間遇上都係一種緣份,所以無妨大家傾多兩句。好似上個星期我坐Uber ,遇到一位司機原來係一位私人飛機嘅機師,受疫情情影響差不多一年冇得飛,唯有揸吓車搵兩餐。更有趣嘅係,佢原來係一位美國退休空軍,征戰個科威特俄羅斯。講你都唔信,除咗佢太太又係一位現職民航機師,佢個女而家都係澳洲做緊機師培訓。呢位前空軍基斯先生雖然曾經征戰沙場,G Force冇有怕,但講到而家嘅經濟環境佢都好擔心,尤其係一路都冇乜儲錢投資嘅概念。當佢知道我背景之後,就問我可以點樣為自己同囡囡計劃一下,當然佢都有問我有乜嘢Number可以俾佢。

一如既往,通常我會同朋友話如果你冇乜時間做研究同睇實個市,就盡量

一如既往,通常我會同朋友話如果你冇乜時間做研究同睇實個市,就盡量唔好亂買股票,不如做吓基金投資。一講到基金,佢問咗我一個問題:「有樣嘢我一路都係唔係太明白,如果投資基金,其實喺銀行做投資同埋保險公司做,有乜嘢分別呢?」

返到屋企同太太講咗呢件事,佢仲同我打賭其實好多人都唔知。最後我係IG Story開左個公投,發現真係有8成嘅網友都唔知,所以今日寫呢篇文,同大家講下響銀行同保險公司買基金有咩唔同。

首先,係銀行買基金,最大嘅好處係方便,因為大家都有銀行戶口,如果同時

首先,係銀行買基金,最大嘅好處係方便,因為大家都有銀行戶口,如果同時喺銀行做基金投資,付款方面較為簡單直接。但大家都知道,喺銀行認購基金,銀行係會首先向客戶收取大約1%-5%嘅「認購費」。假設你用$10000蚊去買基金,按銀行收取2.5%嘅認購費計算,你實際係會用$9750去買基金。

至於係保險公司去投資基金,係唔會向客戶收取認購費,而收取嘅係「平台

至於係保險公司去投資基金,係唔會向客戶收取認購費,而收取嘅係「平台費」,收取方法係先買入,之後在每月分攤。假設費用同樣是2.5%,用$10000買入基金,費用就會分12每個月從購入基金中扣除,即係每個月賣出0.21%,最後基金帳面就會有$9980。

可能你會覺得呢個分別冇乜重要,但如果去投資近年好多散戶追捧嘅派

可能你會覺得呢個分別冇乜重要,但如果去投資近年好多散戶追捧嘅派息基金「即係嗰種好似會生金蛋嘅鴨」的話,同一款基金派每基金單位派相同嘅股息,同一投資金額係保險平台可以買到較多基金單位,長線去收息當然更有着數。

第二個重要分別,就係轉換基金費用。過去幾年經濟周期變化好大,單一投

第二個重要分別,就係轉換基金費用。過去幾年經濟周期變化好大,單一投資策略好難長期跑贏,定期轉會合事宜基金都係一個重要理財策略。想幫投資組合進行基金轉換,銀行一般會向客戶收取switching fee轉倉費,一般係0.5%到1%。但由於保險公司已經收取基金平台費,投資者想幫組合轉換基金,就算一年換十次八次,都係唔需要俾任何費用。

除此之外,另外一個重點就係同財富傳承有密切關係。雖然香港冇遺產稅

除此之外,另外一個重點就係同財富傳承有密切關係。雖然香港冇遺產稅,如果讀者有經歷過家人離世,都知道遺產承辦係一件非常費事麻煩嘅事情,最快都要半年至一年先可以完全處理到。如果生前做落嘅基金投資如果想後人盡快攞到呢一筆資金去應急就會比較頭痛。相反,如果運用保險結構去投資基金,只要過一張死亡證,保險公司就會將基金賣出,即時將相關資產轉給受益人。

簡單黎講,如果你淨係想短期投資某個特定基金,可以到銀行選擇。但如果

簡單黎講,如果你淨係想短期投資某個特定基金,可以到銀行選擇。但如果你係諗住做長期投資,或者有經常轉換基金嘅需要,保險公司會係你嘅選擇,特別係你想將財富成承傳下一代。

Loading...
YOU MAY LIKE
訂閱Esquire接收最新男士資訊及禮遇
Sign up FOR ESQUIRE_PAPER NOW!!
下篇文章